تعليق ناري من هالة صدقي بشأن طلبها في بيت الطاعة: قوانين في صف الرجل وتهين المرأة
كتب : إسماعيل فارس
علقت الفنانة هالة صدقي، على تلقيها إنذارا بالطاعة من زوجها سامح سامي، بعد سيل المشاكل التي نشبت بينهما خلال الفترة الأخيرة.
وقالت هالة صدقي في مداخلة هاتفية مع الإعلامي سيد علي في برنامج "حضرة المواطن" المذاع على قناة الحدث اليوم: "موافقة جدا على الطاعة ومش معترضة، بس شقة الزوجية كانت إيه؟ دي شقتي اللي أنا اتجوزت فيها وخلفت فيها وعشت فيها، واللي هو سافر وسابنا منها، والعنوان اللي كاتبه عنوان شقة أبوه".
وأضافت هالة صدقي: "بالنسبالي الموضوع قلب كوميدي وسيبك من موضوعي أنا الشخصي، إحنا بنتكلم على قوانين تهين المرأة، أكيد في آلاف أو ملايين الحالات زي حالتي لكن أصواتهم مش بتوصل، وأكيد في ستات كتير بيتعرضوا للمواقف دي، القوانين دي حقيقي كلها في صف الرجل وتهين المرأة وتجرحها بشكل أو بآخر".
اقرأ أيضا الأزهر يحسم موقف طلب هالة صدقي في بيت الطاعة.. والكنيسة ترد
وأكملت صدقي حديثها: "الراجل ده ممكن يكون عايز شهرة، وممكن مر بظروف نفسية صعبة لخبطت، لأن إحنا من شهر الراجل منزل فيديو بيقول أنا طلقتها على الهوا، وفي نفس الوقت بيبعتلي ماسيدجات عياط وانهيار واعتذارات، لكن عيب أطلعها".
