كتب : حسن الحيني
قال المخرج محمد سامي، إن ضياع حقوقه في الخلافات بسبب انفعاله هو أكبر مشكلة تواجهه، موضحًا: "ده كلام المقربين مني، هم دقيقتين في حياتي بيبقوا فاصل في حاجات كتير، وأنا سريع الغضب بشكل مبالغ فيه، بس براجع نفسي دايما.. وببقى متأخر زيادة عن اللزوم".
وأضاف سامي، في حواره مع الإعلامية بسمة وهبة مقدمة برنامج "العرافة"، الذي يعرض عبر شاشة "المحور": "أما بالنسبة لأكتر شخص ظلمني، فهو الفنانة غادة عبدالرازق، ومع الوقت حسيت إن ربنا سبحانه وتعالى كان كويس معايا".
اقرأ أيضا سلوى عثمان عن نسل الأغراب: السقا وكرارة قدما مجهودا كبيرا.. وسامي مخرج كبير
وتابع: "جات لي قدام العربية ووقفت وسلمت عليّ وقالت لي أوعى تكون زعلان مني.. عملت معاها شغل كويس وفي عيش وملح، واتقال كلام كتير عليّ مش حقيقي، وبعدها ربنا جاب لي حقي في حاجات كتير وخلاني أحس بالسعادة".
وأردف: "غادة عبدالرازق مكنتش وحشة طول الوقت، لكن الناتج النهائي إني خرجت بموقف منها، وبعدها ربنا بيكرم حسب اجتهاد كل واحد فينا وأنا ربنا كرمني كتير".
اقرأ أيضا مى عمر تستمر بنجاحاتها بعد "لؤلؤ" في "نسل الأغراب" وصراع بطلي المسلسل عليها
