الخلع فى أسبوع.. إسراء: حمايا بيتحرش بيا وجوزي رافض ياخد موقف.. وشيرين: اتجوز عليا مطلقة في السر | أهل مصر
كتب : شيماء الهوارى
شهدت محاكم الأسرة العديد من قضايا الخلع والقضايا باختلاف الاسباب والدوافع الخفية، أبطال هذه القصص أشخاص عاديون مثلنا ولكن تعرضوا لظروف جعلت اسماءهم تكتب فى سجلات القضاء،ورصدت " أهل مصر " أهم قضايا محاكم الأسره هذا الأسبوع .
إسراء تطلب الخلع: «حمايا مريب وبيتحرش بيا وجوزي رافض ياخد موقف»
"تصرفات حمايا معايا مش طبيعية كلها مريبة أحيانا بحس أنه بيتحرش بيا لفظيا بكلام مش كويس، حتى أحيانا بيلمس جسمى على سبيل الهزار أو يمثل أنه مش قصده لكن أنا بحس أنه فعلا بيتعمد يعمل كدا معايا، واتكلمت مع جوزى كتير فى الموضوع دا ومش مصدق وبيقول أنى بكبر الدنيا وهو بيعاملنى زى بنته ولازم أحترم دا، لحد ما اتأكدت فعلا ان حمايا مش كويس معايا وجوزى مش واخد أى رد فعل وكأنه موافق على اللى بيحصل".. نطقت بهذه الكلمات إسراء وهى تقف على أعتاب محكمة الأسرة لرفع دعوى خلع من زوجها بعد عام وشهرين من الزواج .
اقرأ أيضا شيرين تطلب الخلع: اتجوز مطلقة في السر وبيصرف عليها من شقايا
صفاء تطلب الخلع: كان عايز يبيع شرفي عشان الفلوس
اقرأ أيضا نورا تطلب الخلع: نسي المعروف وخانني مع خطيبته السابقة فى بيت جوزها
"اقترح عليا أننا نسافر لدولة عربية عشان نكون مستقبلنا ونشتغل أحنا الاتنين بعد الجواز على طول ونأجل موضوع الخلفة لحد ما نرجع مصر، وعشان كنت بحبه وفاكره أنى جوزى سندى وهو اللى يحمينى من أى حد وافقت على طول وسافرت معاه ووافقت أنزل اشتغل أى حاجة عشان الفلوس، لكن اكتشفت أنه عايزنى أقابل رجالة عرب عشان شغله وعرفت أنه جابنى معاه عشان يشغلنى ويبيع شرفي مقابل الفلوس".. نطقت بهذه الكلمات صفاء وهى داخل محكمة الأسرة لرفع دعوى خلع من زوجها بعد مرور 9 شهور من الزواج مبررة استحالة العشرة معه.
اقرأ أيضا صفاء تطلب الخلع: كان عايز يبيع شرفي عشان الفلوس
نورا تطلب الخلع: نسي المعروف وخانني مع خطيبته السابقة فى بيت جوزها
لم تتخيل نورا بعد 3 سنوات من الزواج ومساندتها هى وأهلها لزوجها وتقدير مستواه المادى الضعيف أن يتنكر للمعروف بهذا الشكل ويطعنها فى ظهرها ويقوم بخيانتها مع خطيبته السابقة التى تركته بسبب حالته المادية الصعبة وتتزوج من شخص أغنى منه، ويقيم معها علاقة جنسية كاملة بعد أن اتفقت معه على أن يتقابلا بشقتها أثناء سفر زوجها، مما جعل الزوجة تقف داخل محكمة الأسرة لرفع دعوى خلع من زوجها.
شيرين تطلب الخلع: اتجوز مطلقة في السر وبيصرف عليها من شقايا
لم تتوقع شيرين صاحبة الـ25 عاما، أن زوجها الذى يعشقها كما كان يخبرها دائما يتزوج عليها من مطلقة فى السر دون ان تعلم وينفق عليه من راتب الزوجة الأولى التى تعمل من أجل تكوين مستقبل لأبنائها وتدخر معه الأموال ليقوم هو بخداعها والزواج من أخرى، مما جعلها تقف داخل محكمة الأسرة لرفع دعوى خلع من زوجها بعد 5 سنوات من الزواج مبررة ذلك باستحالة العشرة معه.
